.png)
18/06/2021
მსოფლიოში 4 პრობლემატური კორონავირუსის ვარიანტი უკვე ცირკულირებს და 7 საყურადღებოა. მეტი ინფორმაციისთვის „პრაიმტაიმმა“ ჯანდაცვის სფეროს ექსპერტს მიმართა.
როგორც ის ჩვენთან საუბრისას ამბობს, ეს ვარიანტი პერუდან წამოვიდა და როგორც ამ დროისთვის ჩანს, საკმაოდ გადამდებია.
„ეს ეხება კიდევ ერთ ვარიანტს, რომელის გავრცელებაც პირველად სამწუხაროდ, პერუში დაფიქსირდა და ჯანდაცვის მსოფლიო ორგანიზაციამ თავის ე.წ. საყურადღებო სიაში 14 ივნისს შეიყვანა. ეს არის მეშვიდე საყურადღებო ვირუსი, რომელმაც ცირკულირება დაიწყო. ჯანდაცვის მსოფლიო ორგანიზაცია ყურადღებით უყურებს რა მიმართულებით წავა მისი მუტაცია. რაც ამ დროისთვის ჩანს, ის საკმაოდ გადამდებია. მაგრამ კიდევ უფრო ბევრი კვლევაა საჭირო,“ – ამბობს გიორგი ფხაკაძე.
ექსპერტი კიდევ ერთხელ განმარტავს, რომ ვირუსისა და მუტაციის შესაჩერებლად აუცილებელია ვაქცინა, პირბადე და ორმეტრიანი დისტანცია.
„უნდა გვახსოვდეს, რომ რაც უფრო დიდი ხანი იქნება ნებისმიერი ვირუსი ცირკულაციაში, მით უფრო დიდი შანსია, რომ მთელ სოფლიოში სხვადასხვა მუტაციები გაჩნდეს. ეს ვარიანტი, რომელიც პერუდან წამოვიდა, ამ სიიდან ყველაზე ბოლოა. საყურადღებოა ამჟამად 4 ვარიანტი და 7 ვარიანტი, რომელიც ძლიერი მეთვალყურეობის ქვეშაა.
ყველა ვირუსს ახასიათებს მუტაცია. ეს ბუნებრივი პროცესია. ყველა კვლევამ აჩვენა, რომ ის მუტაციები, რომელიც ახლავს და არის მთელ მსოფლიოში ხელოვნური არ არის. ეს ევოლუციური პროცესია. ამის შესახებ არა ერთი კვლევა გვაქვს. უნდა გვახსოვდეს, რომ ჩვენ შეგვიძლია მუტაცია შევაჩეროთ. ეს ნიშნავს – სამედიცინო პირბადე, ორმეტრიანი დისტანცია და ეფექტური ვაქცინა, “- ამბობს „პრიამტაიმთან“ საუბრისას გიორგი ფხაკაძე.
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
Prepared by: ირინა დათაშვილი #datashvil
Comments