.png)
არაფერი გვაქვს ქვეყანაში, რომ ეპიდემია შევაჩეროთ, დაგვერხა თან მაგრად – გიორგი ფხაკაძე
- Giorgi Pkhakadze
- Mar 24, 2023
- 1 min read
28/02/2021
„თავის მოტყუება რატომ გვიყვარს, მართლა ვერ გავიგე, არაფერი არ გვაქვს რომ შევაჩეროთ ეპიდემია ქვეყანაში“,- ამის შესახებ გაეროს გენერალური მდივნის მრჩეველი, პროფესორი გიორგი ფხაკაძე სოციალურ ქსელში წერს.
გიორგი ფხაკაძე CNN-ის ერთ-ერთ სტატიასაც აზიარებს, რომელშიც ჩეხეთში არსებულ მძიმე ეპიდემიოლოგიურ სიტუაციაზეა ლაპარაკი.
როგორც სტატიიდან ვიგებთ, ჩეხეთში დაგვიანებული მოქმედებებისა და რამდენიმე არასწორად გადადგმული ნაბიჯის გამო მძიმე მდგომარეობაა და საავადმყოფოები ჩამოშლის პირასაა.
სტატიაში ჩეხეთის ერთ-ერთი მთავარი ეპიდემიოლოგი მიუთითებს სამ გადაწყვეტილებაზე, რომლებმაც ქვეყანაში მსგავსი სიტუაცია გამოიწვია.
„პირველი შეცდომა არის ის, როდესაც მთავრობამ უარი თქვა ზაფხულში პირბადის სავალდებულო ტარებაზე, მეორე, როდესაც გადაწყვიტა შობის წინ მაღაზიების გახსნა და მესამე, როდესაც მთავრობამ ვერ მოახერხა რეაგირება იანვრის დასაწყისში ვირუსის ახალ ვარიანტზე. ეს სამი დიდი შეცდომა იყო და ახლა, ჩვენ მხოლოდ ვლოცულობთ, რომ მეოთხე არ მოხდეს”, – ამბობს ეპიდემიოლოგი.
„აგერ ბატონო, ფხაკაძე გაფრთხილებთ მაგრამ ვინ გისმენს, მაგინებთ, მლანძღავთ, 1000 სისულელეს წერთ ჩემს წინააღმდეგ. ჩემი თუ არ გჯერათ ნახეთ თუ რა ხდება ჩეხეთში. თავის მოტყუება რატომ გვიყვარს, მართლა ვერ გავიგე. დავიღალე ოღონდ მართლა. არაფერი არ გვაქვს რომ შევაჩეროთ ეპიდემია ქვეყანაში. ტყუილი, კორუფცია, არა პროფესიონალიზმი, ნეპოტიზმი, გაუნათლებლობა, ექსტრემიზმი, ფარისებლური მორწმუნეობა და ყველაფერი შეფუთვა პოლიტიკურ ფერში, დავიღალე. P.S: დაგვერხა თან ძაან მაგრად“,- წერს გიორგი ფხაკაძე სოციალურ ქსელში.
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
Prepared by: ირინა დათაშვილი #datashvil
Commentaires