top of page

„გვიხარია, რომ ეს პროცესი საქართველოში დაიწყო - გაიზრდება პაციენტის კმაყოფილება“

Updated: Jul 26, 2023

25/07/2023

ავტორი: ირინა დათაშვილი

საქართველოში სამედიცინო დაწესებულებების აკრედიტაციის პროცესი დაიწყო.


მთავრობის დადგენილება საყოველთაო ჯანდაცვის პროგრამაში ჩართულ კლინიკებს, 2025 წლის იანვრიდან საერთაშორისო აკრედიტაციის გავლას ავალდებულებს.


ხარისხიანი ჯანდაცვა, სამედიცინო სერვისები, კვალიფიციური პერსონალი და გამართული ინფრასტრუქტურა – ეს იმ სტანდარტების ნაწილია, რომელსაც კლინიკები უნდა აკმაყოფილებდნენ.


კლინიკებისთვის აკრედიტაციის გავლა ნებაყოფლობითია, თუმცა საყოველთაო პროგრამაში ჩართვისას ეს მნიშვნელოვანი კომპონენტი იქნება.


აკრედიტაციის ვადად 2025 წელია განსაზღვრული, პროცესი უკვე დაწყებულია და ამ ეტაპზე 14 კლინიკაა კანადური აკრედიტაციის პროგრამაში დარეგისტრირებული.


საერთაშორისო აკრედიტაციის ორგანიზაციას „აკრედიტაცია კანადას“ საქართველოში გიორგი ფხაკაძე წარმოადგენს.


ორგანიზაციამ საქართველოში უკვე ჩამოაყალიბა ოფისი, რომელიც ქართველ ექსპერეტებს მოამზადებს, რომლებიც შემდგომში დაეხმარებიან კლინიკებს საერთაშორისო სტანდარტების დაკმაყოფილებაში.


აკრედიტაცია კანადას წარმომადგენელი საქართველოში გიორგი ფხაკაძე მოუწოდებს კლინიკებს, დროულად დაიწყონ აკრედიტაციისთვის მზადების პროცესი, რასაც, შეიძლება რამდენიმე თვე ან წელი დაჭირდეს.


"აკრედიტაცია კანადასთან“ თანამშრომლობა საქართველოში მოქმედმა 14-მა კლინიკამ დაიწყო. საერთაშორისო აკრედიტაცია გულისხმობს ადგილობრივი სამედიცინო სტანდარტების საერთაშორისო სტანდარტებთან მორგებას.

კლინიკებში დაწყებულია პრაქტიკული მეცადინეობები, რაც ხელს უწყობს სტანდარტების გაანალიზებას და სამუშაო პროცესში დანერგვას გულისხმობს. ტრენინგებს საერთაშორისო გამოცდილების მქონე „აკრედიტაცია კანადის“ მრჩევლები - ალესანდრო ბურიანი და გიორგი ფხაკაძე ატარებენ. სამუშაო პროცესი ერთი წლის განმავლობაში გაგრძელდება, რომლის შემდეგაც კლინიკებს ჰოსპიტლის საერთაშორისო სამედიცინო აკრედიტაცია მიენიჭებათ.

საზოგადოებრივი ჯანდაცვის ექსპერტის, ჯანდაცვის მსოფლიო ორგანიზაციის კონსულტანტის, ექიმის, აკრედიტაცია კანადას წარმომადგენლის საქართველოში გიორგი ფხაკაძის განცხადებით, "აკრედიტაცია კანადას" აქვს 50-ზე მეტ ქვეყანაში მუშაობის 60-წლიანი გამოცდილება. მათ მიერ აკრედიტებულია მსოფლიოს მასშტაბით 15 000-მდე სამედიცინო დაწესებულება.

„პროცესი არ არის იოლი, ესაა რთული და გრძელვადიანი პროცესი. მაგრამ საინტერესოა და მისი მიზანია, სამედიცინო დაწესებულებაში უსაფრთხოების ზომები იყოს მაქსიმალურად დაცული და ჯანდაცვის ხარისხი იყოს აწეული, რათა კლინიკებს საქართველოში მივცეთ ის გამოცდილება, რომელიც აქვს „აკრედიტაცია კანადას“.


კლინიკა იქნება პაციენტზე მეტად ორიენტირებული, გაიზრდება პაციენტის კმაყოფილება. გვიხარია, რომ ეს პროცესი საქართველოში დაიწყო. ჩვენ დავიწყეთ მუშაობა ბათუმის „მედცენტრის“ საავადმყოფოდან და სამი პოლიკლინიკიდან, გავაგრძელეთ სამშობიარო სახლ „ჰერაში“, შემდეგ გვქონდა რამდენიმედღიანი ტრენინგი „ვივო მედიქალ ჯგუფში“ჯგუფში შემავალ კლინიკებში - ესენია "ინოვა", “ჟორდანიას კლინიკა“, “ბოხუას კლინიკა“, “თბილისის ცენტრალური საავადმყოფო”, ”ინოვა ინვიტრო“. საინტერესო შეხვედრები გვქონდა ჯოების კლინიკაში,“- განაცხადა ფხაკაძემ. მისი თქმით, კომპანიის ექსპერტები არიან მაღალკვალიფიციური კლინიკური დირექტორები, კლინიკური კვლევებისა და განათლების ხარისხის ექსპერტები, რომლებიც ეხმარებიან კლინიკებს, სწორად გაიარონ აკრედიტაციის პროცესი. მისი თქმით, ქართულ ენაზე გადაითარგმნა ზღვა მასალა და კლინიკებმა ეს დოკუმენტაცია ქართულ ენაზე მიიღეს. ფხაკაძის განმარტებით, თანამშრომლობის პროცესში „აკრედიტაცია კანადას“ ადგილობრივი ექსპერტები დახმარებას უწევენ კლინიკებს და პერსონალს კვირაში ერთხელ 3 საათის განმავლობაში ატრენინგებენ. საყოველთაო ჯანდაცვის პროგრამაში მონაწილე კლინიკებისთვის საერთაშორისო აკრედიტაციის გავლა 2025 წლიდან სავალდებულო ხდება. წინააღმდეგ შემთხვევაში ისინი სახელმწიფო პროგრამაში მონაწილეობას ვეღარ მიიღებენ.

2023 წლის 31 დეკემბრამდე კი კლინიკებმა სამინისტროს უნდა წარუდგინონ აკრედიტაციის განმახორციელებელ ორგანიზაციასთან გაფორმებული ხელშეკრულება და ინფორმაცია მიაწოდოს მიმდინარე სერტიფიცირების პროცესის შესახებ.



საქართველოში სამედიცინო დაწესებულებების აკრედიტაციის პროცესი დაიწყო.



მნიშვნელოვან კითხვებზე პასუხები - ძალიან საინტერესო ინტერვიუ გიორგი ფხაკაძესთან




Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе




60 views0 comments

Comments


Post: Blog2_Post
bottom of page