top of page

გიორგი ფხაკაძე ასახელებს თარიღს, თუ როდის გამოაცხადებს მთავრობა ლოქდაუნს

26/12/2021


საზოგადოებრივი ჯანდაცვის ექსპერტი გიორგი ფხაკაძე დღესასწაულების შემდეგ მსოფლიოს ბევრ ქვეყანაში ლოკდაუნის გამოცხადებას პროგნოზირებს. მისივე თქმით, სხვა ქვეყნების მსგავსად საქართველოც ჩაიკეტება.


ფხაკაძე მოსახლეობას და დამსაქმებლებს რეკომენდაციებს აძლევს:

“სიტუაცია უფრო რთულია ვიდრე გარედან ჩანს. სახელმწიფოები დაბნეულები არიან; თქვენ დაინახავთ, რომ შობის შემდეგ დაიწყება ლოკდაუნი მთელ მსოფლიოში. ახლა შობაა და ფიქრობენ, რომ როგორმე გადააგორონ ეს დღესასწაულები. საქართველოც ჩაიკეტება, არ ვიცი რა ფორმით, მაგრამ ჩაიკეტება. თუმცა ესეც არ არის გამოსავალი, საჭიროა პრაგმატული ზომების მიღება.

რა შეგიძლიათ გააკეთოთ თქვენ – მოერიდეთ დახურულ სივრცეში ყოფნას სხვა ადამიანებთან ერთად, თუ მაინც გიწევთ დახურულ სივრცეში ყოფნა, რაც შეიძლება ხშირად და დიდი ხნით გაანიავეთ ეს სივრცე.

გამოიყენეთ სამედიცინო პირბადე, 100-პროცენტიანი დაცვა არც ამას აქვს, მაგრამ თუ ამას ოთახის განიავებაც დაემატება, კარგ შედეგს მოგცემთ.

ბიზნესის წარმომადეგენლებო, მაქსიმალურად გაუფრთხილდით თქვენ თანამშრომლებს და რამდენადაც შესაძლებელია, გადაიყვანეთ დისტანციურზე.

ტყუილად ხარჯავთ ფულს კორპორატიულებზე, რადგან მაინც ჩაგეშლებათ, ყოველ შემთხვევაში, რაც ახალი წლის შემდეგ არის დაგეგმილი, ის აუცილებლად ჩაიშლება” – ამბობს ფხაკაძე.



Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе





Prepared by: ირინა დათაშვილი #datashvil




4 views0 comments

Comments


Post: Blog2_Post
bottom of page