top of page

„ვაქცინაცია არის ნებაყოფლობითი – ყველა კითხვაზე უნდა იყოს პასუხი გაცემული“ – გიორგი ფხაკაძე

22/03/2021

ავტორი: ირინა დათაშვილი



გაეროს გენერალური მდივნის მრჩეველი ჯანდაცვის საკითხებში, პროფესორი გიორგი ფხაკაძე ამბობს, რომ საქართველოში ვაქცინაციის გეგმა უფრო სადღეგრძელოების კოლექციაა, ვიდრე კონკრეტული ვაქცინაციის გეგმა.


„საქართველოში ვაქცინაციის გეგმა უფრო სადღეგრძელოების კოლექციაა, ვიდრე კონკრეტული ვაქცინაციის გეგმა. ამის შედეგად მოხდა ძალიან სამწუხარო რამ. ქვეყანაში ვაქცინაცია არის ჩავარდნილი, კარგად უნდა გავიაზროთ, რატომ ჩავარდა და რატომ არის დაბალ დონეზე ვაქცინაციის იმუნიზაცია. ევროპაში საფრანგეთი არის მოწინავე, სადაც ხალხი ეწინააღმედეგება ვაქცინაციას. ძალიან დიდი წილი, რატომაც ხდება ეს ყველაფერი, არის ექიმების. ეს ძალიან ღრმა და რთული პროცესია, მაგრამ ჩვენ უნდა ვაღიაროთ, რომ საქართველოში იყო ძალიან სკეპტიკური განწყობა ვაქცინაციის მიმართ გარკვეული მიზეზების გამო. როდესაც ვიცით, რომ მოსახლეობა არ არის მზად, არ არის ინფორმირებული, როდესაც ოქტომბრის თვეში სახელმწიფომ გადაიხადა ფული, ოქტომბრიდან უნდა დაწყებულიყო სწორი საინფორმაციო პოლიტიკა, სწორი და გამჭვირვალე ინფორმაცია უნდა იყოს და რაც მთავარია, ის ადამიანები, ვინც ვაქცინის წინააღმდეგია, კითხვები აქვს და ეშინია, ყველა კითხვაზე უნდა იყოს პასუხი გაცემული, უნდა იყოს დიალოგი. აქ არაფერია დასამალი. რამე თუ არ მუშაობს, ეს უნდა ითქვას.


როცა ვსაუბრობთ ვაქცინაციაზე, უნდა გვახსოვდეს:

პირველი, -ვაქცინაცია არის ნებაყოფლობითი;

მეორე, – ვაქცინაციის პროცესი უნდა იყოს ყველაზე უსაფრთხო პროცესი, უმაღლეს დონეზე უნდა იყოს აყვანილი.

მესამე, – ინფორმირებულობა.


ევროპაში, 20-მდე ქვეყანამ როცა შეაჩერა ასტრაზენეკას ვაქცინა, ტყუილად ხომ შეაჩერებდნენ?! წამლების სააგენტომ შეაჩერა ასტრაზენეკას ვაქცინაციის პროცესი, იმიტომ, რომ ეს არის ახალი ვაქცინა. ახალი ვაქცინის პროტოკოლში მითითებულია, – ეჭვიც კი თუ შეგეპარება, რაღაც ცუდი არის, შეაჩერებ, შეისწავლი და შემდეგ გააგრძელებ. ეს არის კონცეფცია და ამ კონცეფციას უნდა მივყვეთ. როცა არის ახალი წამალი, უსაფრთხოება არის პირველი. შეჩერებამ გამოიწვია ის, რომ ნდობა უფრო გაიზარდა.

პირველი საკითხი იყო, – რას ვაკეთებთ?! ევროპაში როცა ვაქცინაციის პროცესი შეჩერდა, ყველა წამლის სააგენტომ, არის „ყვითელი ფორმა“, როდესაც არის რამე გართულება, მაშინვე ინფორმირება ხდება, ვის რა გართულება ჰქონდა, ყველა ინფორმაცია გროვდება.


ევროპის ყველა ქვეყანაში, სადაც კი დაფიქსირდა გართულება ვაქცინის შემდეგ, ჩამოყალიბდა სია.


საფრანგეთის მთავრობამ მიიღო კიდევ უფრო ფრთილი ზომები, გართულებები არის 55 წლამდე ადამიანებში, ძირითადად, მანდილოსნებში. რადგანაც, შესაძლებელია იყოს რისკები, მთავრობამ მიიღო გადაწყვეტილება, 55 წლის ქვემოთ ადამიანები არ აიცრებიან ასტრაზენეკას ვაქცინით, გაკეთდება სხვა ვაქცინები, მაგალითად, ფაიზერით.


საქართველოში როცა ვაქცინაციის პროგრამა დაიწყო, ჩემი მოთხოვნა იყო, რომ დაგვეზღვია თავი, უნდა ვყოფილიყავით ძალიან ფრთხილად, უნდა შეჩერებულიყო ვაქცინაცია და დავლოდებოდით პასუხს.


საქართველო არის ძალიან დიდი გამოწვევის წინაშე. უნდა ვიყოთ უფრო ფრთხილები, ხალხი არ ენდობა არავის.


ვაქცინაციის პროცესი ძალიან მარტივია, ამისთვის არის საჭირო სწორი ინფორმაცია, უნდა აუხსნა ადამიანებს, უნდა გააფრთხილო, ვაქცინამდე რა არ შეიძლება. არ უნდა დალიო ალკოჰოლი, იმიტომ რომ იმუნურ სისტემას ალკოჰოლი სწევს უკან.


ორი მთავარი საკითხია, პირველი, – ვაქცინაციის საბუთში ჩაიწეროს ვაქცინაციის სერიის ნომერი და მეორე, რა წამლები შეიძლება და რა წამლები არ შეიძლება.


ვაქცინაციამდე ორი კვირით ადრე არ მიიღოთ სამედიცინო პრეპარატები. აცრამდე ორი დღის განმავლობაში არ მიიღოთ ალკოჰოლი და აცრიდან მინიმუმ ორი კვირა (სასურველია მეორე აცრამდე).


ყველაზე საყურადღებოა იმუნიზაციის გაკეთებიდან პირველი 15 წუთი. 30 წუთი დარჩით დაწესებულებაში. მერე უკვე შეიძლება სიცხე და ცოტა ტკივილი გქონდეთ, ეს ნორმალურია, მაგრამ თუ სიცხე გაგრძელდა, უნდა დაუკავშირდეთ ექიმებს“,- განაცხადა „პალიტრანიუსის“ ეთერში გაეროს გენერალური მდივნის მრჩეველმა ჯანდაცვის საკითხებში, პროფესორმა გიორგი ფხაკაძემ.


ახალციხელი მედდა, 27 წლის მეგი ბაქრაძე, რომელსაც „ასტრაზენეკას“ ვაქცინის გაკეთების შემდეგ, სავარაუდოდ, ანაფილაქსიური შოკი განუვითარდა, თბილისის პირველ საუნივერსიტეტო კლინიკაში, 19 მარტს გარდაიცვალა.

საქართველოში კორონავირუსის საწინააღმდეგო ვაქცინის, „ასტრაზენეკას“ პირველი პარტია 13 მარტს შემოვიდა.

საქართველოში 15 მარტიდან COVID-19-ის საწინააღმდეგო ვაქცინაცია დაიწყო. ვაქცინაციის პროცესი თბილისის გარდა ქვეყნის 29 რეგიონულ ცენტრში მიმდინარეობს. პირველ ეტაპზე იმუნიზაცია სამედიცინო პერსონალს უტარდება.

საქართველოში ამ დროისათვის კორონავირუსის საწინააღმდეგო AstraZeneka-ს პრეპარატით სულ 3.818 მედმუშაკი აიცრა.

დაავადებათა კონტროლის ეროვნული ცენტრის ინფორმაციით, ვაქცინაციისთვის პორტალზე Booking.moh.gov.ge-ზე ჯანდაცვის სექტორის 5246 წარმომადგენელი დარეგისტრირდა.

ევროპის სამედიცინო სააგენტოს (EMA) ფარმაკოლოგიური ზედამხედველობისა და რისკის შეფასების (PRAC) ექსპერტებმა დაასრულეს AstraZeneca-ს ვაქცინის შედეგად ადამიანებში განვითარებული თრომბის შემთხვევების კვლევები და 2021 წლის 18 მარტის საგანგებო შეხვედრაზე კომიტეტმა განაცხადა:




Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе


4 views0 comments
Post: Blog2_Post
bottom of page