top of page

ვირუსის მეორე ტალღა შესაძლოა სექტემბერსა და ნოემბრში დაიწყოს - გიორგი ფხაკაძე09-06-2020

09.06.2020 Rustavi2



გაეროს გენერალური მდივნის მრჩეველი სამედიცინო საკითხებში გიორგი ფხაკაძე "დღის კურიერის" ეთერში აცხადებს, რომ აუცილებელია საქართველო სათანადოდ მოემზადოს ვირუსის მეორე ტალღისთვის, რომელიც სავარაუდოდ, სექტემბრის თვეში დაიწყება.


როგორც გიორგი ფხაკაძე აცხადებს, ვირუსზე ამინდის ზეგავლენა არანაირი მეცნიერული კვლევით არ არის დადასტურებული და ის ტემპერატურა, რაც საქართველოშია ვირუსზე არ მოქმედებს.


"ჩვენ გვავიწყდება ჩვენი ისტორია. გლობალური პანდემია, რომელიც გვქონდა გვასწავლის, რომ მეორე და მესამე ტალღა შესაძლოა გვქონდეს. ამ ეტაპზე, არც წამალი გვაქვც და არც ვაქცინა იქნება ახლო მომავალში. ამინდი ნამდვილად არ მოქმედებს ვირუსსზე. 56 გრადუსი კლავს მხოლოდ ვირუსს და ღმერთმა ნუ ქნას საქართველოში ეს ტემპერატურა დაფიქსირდეს. პრაქტიკულად, სიცხე არ მოქმედებს, მოქმედებს ის, რომ ერთ სივრცეში არ ვართ და დავდივართ გარეთ. ვირუსი არსად არ წასულა. ბევრი ჩვენი მოქალაქე არ არის დაინფიცირებული. სექტემბრიდან ნოემბრის თვემდე დაიწყება სეზონური ვირუსები, რომ გავითვალისწინოთ ძველი გამოცდილება, ამ დროს, ჩვენი იმუნიტეტი იქნება დაქვეითებული.


მეორე ტალღა, რომელიც შესაძლებელია მოხდეს, დაიწყება სექტემბრის და ნოემბრის თვეში. ეპიდემიოლოგიური ინფორმაციის ანალიზით მეორე ტალღა იქნება, თუმცა სიმძლავრე უკვე ქვეყანაზე იქნება დამოკიდებული და ქვეყნის მომზადებაზე.


აუცილებლად უნდა გავაძლიეროთ ჩვენი ჯანდაცვის სისტემა,"- განაცხადა გიორგი ფხაკაძემ.


Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Source: https://www.rustavi2.ge/ka/news/166999

Post: Blog2_Post
bottom of page