.png)
05/12/2021
ჯანდაცვის ექსპერტი გიორგი ფხაკაძე საქართველოში არსებულ კოვიდსტატისტიკაზე საუბრობს. როგორც გიორგი ფხაკაძე ამბობს, მისთვის გაუგებარია მსგავსი პანდემიის ფონზე როგორ აწყობენ პოლიტიკოსები ამხელა მიტინგებს.
ფხაკაძე მიხეილ სააკაშვილზეც ამახვილებს ყურადღებას, რომელიც დაპატიმრების შემდეგ ხალხს მოუწოდებდა, რომ მის მხარდასაჭერად ქუჩაში გამოსულიყვნენ. ამის შესახებ ფხაკაძემ ერთ-ერთი ვიდეომიმართვის დროს ისაუბრა.
„ადამიანი არის პოლიტიკოსი და უნდა იფიქროს ადამიანებზე. 80 ადამიანი რომ კვდება დღეში, რა დროს მიტინგებია. პირიქით უნდა გამოსულიყო და ეთქვა – ხალხო, მე თქვენ მხარეს ვარ, თქვენი სიცოცხლე მნიშვნელოვანია, არ მინდა მიტინგი ოღონდ თქვენ დაცულები იყავით. ჩვენ რა გვესმის – მოაწყობთ სამ საათიან რევოლუციებს, ილაპარაკებთ ძირს მთავრობაო, მერე მიდიხართ სახლში და ჭამა-სმა? თუ აკეთებთ რევოლუციას, გააკეთეთ.
თქვენ რომ ხართ პასუხისმგებლიანი ოპოზიცია, პირიქით უნდა უთხრათ ყველას, რომ არ მოვაწყოთ ამას და გადავარჩენთ სიცოცხლეებს.
აი მაგალითად, ერთმა თქვენგანმა თქვას, რომ ჩემს მიტინგზე მიიღებს მონაწილეობას ვინც არის აცრილი, ყველა იქნება სამედიცინო პირბადეებით და დავიცავთ დისტანციას. კი ბატონო, მე დავდგებოდი თქვენ გვერდით. ხომ შეიძლება მართლა ადამიანებზე იფიქროთ და რომ აკეთებ ამ რევოლუციას, თუ აკეთებთ გააკეთეთ, დავიღალეთ. ადამიანები დაიღალნენ და დაკარგეს ყველანაირი რწმენა“,- ამბობს გიორგი ფხაკაძე.
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
Prepared by: ირინა დათაშვილი #datashvil
Commentaires