top of page

იქ, სადაც მოზარდის სასქესო ორგანოებს ამოწმებენ, ხატების ადგილი არ არის – გიორგი ფხაკაძე რელიგიასთან

26/08/2021

ჯანდაცვის ექსპერტი გიორგი ფხაკაძე საქართველოში, ექიმების კაბინეტებში წარმოდგენილ ხატების კუთხეებს ეხმაურება და აკრიტიკებს. მისი თქმით, მსოფლიოში დანერგილი პრაქტიკით, ექიმების ზურგს უკან მათი შრომისა დაა გამოცდილების დამადასტურებელი დოკუმენტებია განთავსებული და ხატების ადგილი მსგავსს დაწესებულებაში არ არის.


„იყო დრო, როცა საქართველოში „ევექსის“ სამედიცინო კორპორაციაში ვმუშაობდი, გენერალური დირექტორის მოადგილის პოზიციაზე. პირველი რაც გავაკეთე, ყველა საავადმყოფოს შემოვლა დავიწყე. 40-ზე მეტი კლინიკა იყო.



საზღვარგარეთ ექიმთან რომ შედიხარ კაბინეტში, უკან წარმოდგენილია ის სერთიფიკატები და დიპლომები, რაც აქვს მიღებული. ექიმი ამით ამაყობს. საქართველოში ექიმთან რომ შევდივარ, ერთი დიპლომი არ უკიდია, სულ ხატებითაა სავსე. ექიმი ზის და უკან ხატების შპალერია. იქვე სასანთლეებიცაა, სანთლებსაც ანთებენ, გეგონება რომ ეკლესიაში ხარ.

ექიმთან რომ მიდიხარ, წესით, იმედი უნდა გქონდეს, რომ ის გამოცდილია, ნასწავლია და გადაგარჩენს. ალბათ, ამ ექიმებს მხოლოდ 15 წლის წინ აღებული დიპლომი აქვთ და მხოლოდ ხატის იმედზე არიან. წარმოგიდგენიათ 21-ე საუკუნეში ექიმთან რომ მიდიხართ და ის ხატის იმედზეა?! და არა საკუთარი გამოცდილებისა და განვითარების იმედზე“, – ამბობს გიორგი ფხაკაძე.

ექსპერტი ქუთაისის კლინიკაში პედიატრთან დიალოგს იხსენებს და ამბობს, რომ იქ, სადაც მოზარდის სასქესო ორგანოებს ამოწმებენ, ხატების ადგილი არ არის.

„ბოლოს და ბოლოს, ექიმებს ვუთახრი, თუ ასეთი რელიგიურები ვართ სამრეკლო ავაშენოთ ეზოში-თქო. ღმერთი გულში უნდა გყავდეს“, – ამბობს გიორგი ფხაკაძე.



Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе



Prepared by: ირინა დათაშვილი #datashvil



3 views0 comments

Comments


Post: Blog2_Post
bottom of page