top of page

"კარგი იქნება, ამ სამედიცინო პერსონალს ჯიგრების ძახილის მაგივრად, ხელფასები დაურიგოთ. 250 ლარი...

14/01/2021

პროფესორი, საზოგადოებრივი ჯანდაცვის ექსპერტი, გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი, გიორგი ფხაკაძე აცხადებს, რომ ვირუსის სეზონურობიდან გამომდინარე, ზაფხულის პერიოდში ეპიდემიოლოგიური მდგომარეობა დასტაბილურდება, რაც ქვეყანამ უნდა გამოიყენოს გრძელვადიანი სამოქმედო გეგმის დასანერგად, მათ შორის ექიმების კვალიფიკაციის ამაღლების კუთხითაც.


“ვირუსი არსად არ წავა, სეზონურია. ზაფხულში ის იქნება უფრო ნაკლები მკვლელი და უფრო ნაკლებად აგრესიული. სეზონურობა ნიშნავს, რომ ის მაინც ვრცელდება, მაგრამ არ არის ისეთი საშიში. ანუ რეანიმაციულ განყოფილებებში არ ამოვყოფთ თავს. ამისთვის კი ყველაფერი უნდა გავაკეთოთ.



მე კი არ ვამბობ, მეცნიერება ამბობს, რომ 2023 წლამდე ეს ვირუსი, არა მხოლოდ საქართველოში, მთელ მსოფლიოში იქნება. ამიტომ საჭიროა დაგეგმარება 2023 წლამდე. ფრხილად უნდა ვიყოთ, რომ იგივე შეცდომები, რაც შარშან გვქონდა, ხელახლა არ დავუშვათ.


ზაფხულში გვექნება დრო, როცა ჩვენ ამოვისუნთქებთ. რეანიმაციულ განყოფილებაში არ იქნება ხალხი. უფრო ნაკლები იქნება სიკვდილიანობა და მძიმე პაციენტები. გვექნება დრო, რომ ექიმებმა დაისვენონ.


სასწრაფოდ, ექიმების კვალიფიკაციის ამაღლება არის საჭირო. კარგი იქნება, ამ სამედიცინო პერსონალს ჯიგრების ძახილის და ჯილდოების მაგივრად, ხელფასები დაურიგოთ. არ შეიძლება სამედიცინო დაწესებულებაში მომუშავე ადამიანს 250 ლარი ჰქონდეს ხელფასი. მიუღებელიც არის და აკრძალულიც უნდა იყოს.”- განაცხადა გიორგი ფხაკაძემ მორიგ ლაივ ჩართვისას.



Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе




Prepared by: ირინა დათაშვილი #datashvil




2 views0 comments

Comments


Post: Blog2_Post
bottom of page