top of page

რატომ არ აძლევს აშშ ავტორიზაციას „ასტრაზენეკას“, რატომ აქებს ტაილანდი “სინოვაკს” და სეიშელი

21/05/2021

პროფესორი, ორგანიზაციის – „აკრედიტაცია საზღვრების გარეშე“ – ხელმძღვანელი, გიორგი ფხაკაძე:


ჩინური ვაქცინა არ ვარგა და როგორ ვთქვა, რომ კარგია?! სეიშელის მაგალითი სახეზეა. გაერთიანებული ემირატების კვლევებით, რომ ყველაფერი გადასარევადაა „სინოფარმზე“, რატომ?! იმიტომ, რომ გაერთიანებულ ემირატებშია ქარხანა, სადაც იწარმოება ეს ვაქცინა. მარტივია. არ დაგავიწყდეთ, ემირატები დიქტატორული ქვეყანაა.

ანდა, ტაილანდი რომ ძალიან აქებს „სინოვაკს“, რატომ? ტაილანდშია ამ ვაქცინის მწარმოებელი ქარხანა. აქაც მარტივადაა საქმე.


ვიცი, რომ ვერ იტანენ, რომ ვარ დამოუკიდებელი, უკონტროლო, რომ არ ვარ არც ერთი პარტიის მხარეს. ზოგიერთი მეჩხუბება, რას გვაშინებ პანდემიის ტალღებითო. მე ვაკეთებ?! ამ ტალღებს აკეთებს ის ხალხი, ვინც ქვეყანაში ეპიდემიას ვერ მართავს.

ჩემი თუ არ გჯერათ, მწარმოებელ ქვეყანას დაუჯერეთ – უკვე თავად ამბობენ, რომ ჩინური ვაქცინის მესამე დოზაც გასაკეთებელია.

რაც შეეხება „ასტრაზენეკას“, არ დაგებადათ შეკითხვა, რატომ არ აძლევს აშშ ავტორიზაციას „ასტრაზენეკას“, მაშინ, როცა 170 მლნ დოზა დასაწყობებული აქვს?! დანიამ „ასტრაზენეკაზეც“ უარი თქვა და „ჯონსონზეც“.

ახლა დამიწყებენ ლანძღვას, დაბრალებას და ა.შ. სად არის ის პარტია, 1 მლნ „ასტრაზენეკა“ რომ ჩამოჰქონდა?! სადაა ის ვაქცინა?! არაა. ჯერ ერთი, მე არ მინდა „ასტრაზენეკა“ ჩემ ქვეყანაში. მე მინდა „ფაიზერი“ და წერტილი!

მე არ მინდა ბანძი, მეორე და მეათეხარისხოვანი ვაქცინა – იმიტომ, რომ არ გვაქვს ისეთი ჯანდაცვის სისტემა, რომ ვაქცინასთან დაკავშირებით პრობლემა როცა შეიქმნება, იმ პაციენტს ისე მოვუაროთ, როგორც საჭიროა.

ჩვენთან არ არის ისეთი ძლიერი ჯანდაცვის სისტემა, როგორიც ევროპაში, ისარელში, აშშ-ში, რომ გვქონდეს ფუფუნება, „ისე რა“ ვაქცინები გავაკეთოთ და გართულებებს მოვუაროთ.

ფხაკაძემ შიგნიდან იცის ქართული ჯანდაცვა და გეუბნებით, ჩვენი ჯანდაცვის სისტემა „ბანძ“ ვაქცინებს ვერ გადაიტანს. გაიგეთ!

არ ვიცი, რა იქნება ხვალ, მაგრამ დღეს „ფაიზერი“ არის მსოფლიოში საუკეთესო ვაქცინა.

ასევე, საქართველოში 45 წლის ზევით ძალიან ბევრს აქვს ქრონიკული დაავადებები. ბევრი ფაქტორია, რატომ არ შეიძლება საქართველოში ცუდი ვაქცინა. უნდა იყოს ან ძალიან კარგი, ან საერთოდ არ იყო.

რომ ჩამოიტანო ეს ჩინური, არ მუშაობს და რა ვქნა?! ჩინურს რომ გაიკეთებ , ადამიანმა მაინც პირბადით უნდა იაროს. ეფექტურობა 50%-ია. კი, დაწევს სიკვდილიანობას, მძიმე ფორმებს, მაგრამ გავრცელებას ვერ აჩერებს, 10-დან 5 დაინფიცირდება.

16 მაისს ინდონეზიაში ჩავიდა „ასტრაზენეკას“ ერთ-ერთი სერია, აღმოჩნდა, რომ ამ სერიაში 400 500 დოზას ჰქონდა პრობლემა. ამიტომ გეუბნებოდით, რომ ვაქცინაციისას სერიის ნომერი უნდა მიაწეროთ საბუთზე-თქო. ახლა მაინც გაითვალისწინეთ.

რატომ ვლაპარაკობ ამდენს?! თუ ჩემი ამ საინფორმაციო კამპანიით ერთი ადამიანი მაინც გადარჩება, ჩავთვლი, რომ ჩემი მისია შესრულებულია! არაფერს ვითხოვ თქვენგან! მე ექიმი ვარ და უფლებაც არ მაქვს, სხვანაირი იყო. მე ბევრი სტუდენტი მყავს არა მარტო საქართველოში, ისინი მიყურებენ და ეს პროფესიული პასუხისმგებლობაა!

ყველაფერი ფული არ არის. არ მინდა ახლა იმ 22 „სიფტზე“ და ასე შემდეგ ფულის საკეთებელ სქემებზე საუბარი, მესმის, ცოლი გყავთ, საყვარელი, საყვარლის შვილი…წადით ბიზნესში და იქ გააკეთეთ ფული. არ მოიპაროთ. როცა საქმეს არ აკეთებთ და ხელფასს იღებთ, ეს ქურდობაა!

ჩვენ ძალიან კარგი სპეციალისტები გვყავს, ახალგაზრდები საუკეთესო განათლებით, ნიჭით, ცოდნით, უნარით, ბრილიანტი ბავშვები, რომლებიც სამსახურს ვერ შოულობენ!

მაგრამ ეს ვაქცინაცია სექტემბრის ტალღაც მაინც ვერ აგვაცილებს. სექტემბრის ტალღას რომ ავცდენოდით, ამისთვის საჭირო იყო, ახლა უკვე დამთავრდებული გვქონოდა ვაქცინაცია. მეოთხე ტალღა სექტემბერ-ოქტომბერში გვექნება, მერე ვაქცინაცია დაგვეწევა და მეხუთე ტალღა არ გვექნება.


ამასობაში აშშ და ევროპა დაგვეხმარება ვაქცინების კუთხით, ჩვენი კი ერთადერთი, რაც უნდა გავაკეთოთ, ნაგავი ვაქცინა არ შემოვიტანოთ, 300 არაგველებივით მტკიცედ უნდა ვიდგეთ მოთხოვნით – „მარტო კარგი ვაქცინა“

აპლიკაცია რომ გაკეთდა, ხალხმა ყველამ „ფაიზერი“ მოითხოვა და ეს ჩინური რატომ ჩამოგაქვთ ვერ გავიგე.



Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе




Prepared by: ირინა დათაშვილი #datashvil



2 views0 comments

댓글


Post: Blog2_Post
bottom of page