top of page

გიორგი ფხაკაძე – “ლამის “კატოკით” გადამიარეს, არადა, 1 წელია, ამას ვამბობ”

10/06/2021



აკრედიტაცია საზღვრების გარეშე“ ხელმძვანელი, პროფესორი გიორგი ფხაკაძე პროფესორი გიორგი ფხაკაძე ამირან გამყრელიძის განცხადებას იმის შესახებ, რომ ორჯერადად აცრილებს, შესაძლოა მესამე, დამატებითი აცრის გაკეთება დასჭირდეთ, ასე გამოეხმაურა:


“ამას ვამბობ 1 წელია და ყველამ, აბსოლუტურად ყველამ, “კატოკით” გადამიარა… ეს მერამდენე აღიარებაა?! იქნებ თქვენ დათვალოთ…

ნელ-ნელა ყველაფერი, რასაც მე ვუზიარებდი ჩვენს საზოგადოებას, საბოლოოდ დასტურდება 3-6 თვეში, ზოგჯერ 12 თვე უნდა… როდემდე უნდა ვიყოთ ასე?! მოუსმინეთ პროფესიონალებს მოუსმინეთ ექსპერტებს მოუსმინეთ მეცნიერებას ვინ არის პროფესიონალი და ვინ არის ექსპერტი, ამას დრო აჩვენებს … და უკვე აჩვენა გადახედეთ 2020 წლის მარტიდან, ვინ რას აზიარებდა, ვინ რა პოზიციაზე იყო, ვინ და როგორ აფრთხილებდა საზოგადოებას … დანარჩენი თქვენ განსაზღვრეთ …“



დიდი ალბათობით, საჭირო იქნება კორონავირუსის საწინააღმდეგო ვაქცინის მესამე დოზის გაკეთებაც, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.


მისი თქმით, მსოფლიოში მესამე დოზის საჭიროებაზე ბევრი კვლევა ტარდება და სპეციალისტები მის საჭიროებაზე საუბრობენ.


„ბევრი კვლევა ტარდება ბუსტერ დოზებთან მიმართებაში. დიდი ალბათობით, მესამე, ბუსტერ დოზა იქნება საჭირო. დღეს ორჯერადად აცრილ პირებზე მიმდინარეობს დაკვირვება, თუ რამდენი ხნის განმავლობაში უნარჩუნდებათ მათ ფუმერული ან უჯრედული იმუნიტეტი და ამ დაკვირვების პარალელურად, უმრავლესობა მაინც ფიქრობს, რომ ვაქცინათა უმრავლესობაზე მესამე დოზა საჭირო იქნება. ალბათ, ჩვენც დაგვჭირდება მესამე დოზა, რათა უფრო მყარი იმუნიტეტი შეიქმნას ქვეყანაში.


დიდი ალბათობით, მესამე დოზა გაკეთდება მეორე დოზით ვაქცინაციიდან ექვსიდან რვა თვის შემდეგ. საერთაშორისო მწარმოებლების გეგმებიც მიუთითებს იმას, რომ მესამე დოზა საჭირო იქნება. წარმოების მოცულობა იმაზე მეტი იგეგმება, ვიდრე ორჯერადად აცრისთვის გლობალურად არის საჭირო.


საერთაშორისო ორგანიზაციები ფიქრობენ, რომ ასე მარტივად არ დასრულდება კოვიდი და ყოველწლიურად დაგვჭირდება აცრა, ვიდრე ბუნებრივად არ მოხდება ვირუსის ვირულენტობის შემცირება იმდენად, რომ საზოგადოებრივი ჯანმრთელობისთვის საფრთხეს არ წარმოადგენდეს“, – განაცხადა ამირან გამყრელიძემ.


მისივე განმარტებით, მოქალაქეებს შეუძლიათ, მესამე ჯერზე განსხვავებული ვაქცინით აიცრან.


Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе





Prepared by: ირინა დათაშვილი #datashvil





2 views0 comments

Comments


Post: Blog2_Post
bottom of page