top of page

„ვაქცინის არჩევანის თავისუფლება” იყო თავიდანვე დიდი შეცდომა…“ -გიორგი ფხაკაძე

3 ნოემბერი, 2021

პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე აცხადებს:

„4 ტიპის ვაქცინის შემოტანა და წინადადება – „ვაქცინის არჩევანის თავისუფლება” იყო თავიდანვე დიდი შეცდომა. ვერ გავიგე, ეს ვაქცინაა თუ “ბოტილოქსი” (ბოტოქსი არის შხამი, რომელიც გამოიყენება ესთეტიკურ მედიცინაში). მოქალაქემ უნდა იცოდეს, რომ უნდა აიცრას და რა ვაქცინით,- ეს არის შიდა სამედიცინო საკითხი.

მესმის, – თავიდან არანაირი ვაქცინა არ იყო და ნებისმიერი ვაქცინა იყო ხსნა, ამაზე არავინ დავობს. როდესაც, აგვისტოდან უკვე მსოფლიოში სრულად დამტკიცდა „ფაიზერი“ 16 წლის ზევით ასაკის ადამიანებში გამოსაყენებლად და ამ ვაქცინაზე ხელმისაწვდომობა გაიზარდა, რატომ არ მოვიქეცით, ისე როგორც, მაგალითად, – ჩვენი მეზობელი თურქეთი?! თურქეთში ვაქცინაცია დაიწყეს ჩინურით, ახლა მთლიანად გადავიდნენ ფაიზერ/ბიონტეკის ვაქცინაზე.“

მისი თქმით, ჩვენი “ექსპერტების” მიერ “შემოგდებული” ტერმინი – „ტრადიციული ვაქცინა”.

„თავიდანვე ვეწინააღმდეგებოდი ამ ტერმინს, – ეს არასწორი ტერმინია, აკადემიურადაც და რეალურადაც. ამ ტერმინმა ისედაც დაბნეული მოსახლეობა უფრო დააბნია. ყველა ვაქცინა დღეს მზადდება თანამედროვე მაღალტექნოლოგიური მეთოდებით!

ჩინური ვაქცინების “გაპრავება” – ეს კიდევ ცალკე თემაა. გავიგეთ, რომ ვუჰანური ვირუსის წინააღმდეგ ჩინური ვაქცინები 50%-ით იცავს, ეს არის ჯანმრთელობის მსოფლიო ორგანუზაციაში წარმიდგენილ საბუთებში, მაგრამ იმის შემდეგ წამივიდა ბრიტანული, სამხრეთ აფრიკული, ინდური და სხვა შტამები – ეს ჩინური ვაქცინები ვერ არიან ეფექტური ამ შტამების წინააღმდეგ. ყველა კვლევა, რაც არსებობს დღესდღეობით ჩინური ვაქცინების შესახებ, გვაჩვენებს, – ეს ვაქცინები არის უსაფრთხო, მაგრამ, სამწუხაროდ, დაბალ ეფექტურია ახალი შტამების წინააღმდეგ. საქართველოში პოპულარული შრილანკის და ჰონკონგის კვლევები არის არასანდო და არასერიოზული მარტივი მიზეზის გამო –

1. ორივე დაფინანსებულია ჩინეთის მთავრობის მიერ;

2. კვლევებში მონაწილეთა რაოდენობა არის ძალიაან მცირე შრილანკაში- 282 და ჰონკონგში -360 მონაწილე.

ვაქცინაციის ბარათიზე ხომ საერთოდ აღარაფერს ვამბობ, ჩავარდნილია თავიდან ბოლომდე ინიციატივა, – რატომ? – არაპროფესიონალების მიერ არის დაგეგმილი და იმიტომ.

საინფორმაციო კამპანია ხომ საერთოდ ვერანაირ კრიტიკას ვერ უძლებს. აქაც არაპროფესიონალების მიერაა ჩავარდნილი საქმე… ავიღოთ მაგალითად “ბარამბოს” ან სადაზღვევო კომპსნიების , ძველი “ალდაგის” რეკლამები … ყველა არის გაკეთებული ქართველების მიერ. დაუკვეთეთ მათ! ჩააბარეთ საქმე პროფესიონალებს და დარწმუნებული ვარ, მოკლე დროში მაღალი ხარისხის და რაც მთავარია ქართველი მომხმარებლისთვის გასაგებ საინფორმაციო კამპანიას მივიღებთ.

დამღლელია, ერთი და იმავე შეცდომებს რომ უშვებენ, ყველა რომ “ატარებს” ამ შეცდომებს.

ვაქცინაცია უნდა იყოს მხოლოდ ერთი ვაქცინით (Pfizer-BioNTech) მწარმოებლის ინსტრუქციით (ქართული ჩამატებები არ გვინდა რა).

სამედიცინო პირბადეების გამოყენება ყველგან;

დისტანციის დაცვა ყველგან;

კოვიდ სტატუსის ელექტრონული სისტემის ამუშავება (ევროპული ანალოგი) და თავშეყრის ადგილებში მხოლოდ კოვიდ სტატუსით დაშვება;

სხვა ალტერნატივა ჯერჯერობით არ არსებობს“- ამბობს პროფესორი, ორგანიზაცია – „აკრედიტაცია საზღვრების გარეშე“ ხელმძვანელი, გიორგი ფხაკაძე.


---


Professor Giorgi Pkhakadze, MD, MPH, PhD



---


ავტორი: ირინა დათაშვილი #datashvil




4 views0 comments
Post: Blog2_Post
bottom of page