top of page

“პირდაპირ მწერენ, – შენ ოჯახი დამინგრიეო” – გიორგი ფხაკაძე

Updated: May 12, 2023

05/03/2021

„ალიას“ ესაუბრება საზოგადოებრივი ჯანდაცვის ექსპერტი, გაეროს გენერალური მდივანი გიორგი ფხაკაძე:


– ბოიკოტი გამოუცხადეთ აფთიაქებს, ამხილეთ მაღაზიები, სადაც არასამედიცინო პირბადე იყიდება და იყიდება თან ძვირად – პარალელურად, თქვენ წინააღმდეგ დაიწყო შავი პიარი, დაიწყეს საუბარი, თქვენ პირად დაინტერესებაზე. პირადადაც ხომ არ გიკავშირდებიან? მუქარის შემთხვევები ხომ არ იყო?


– ათასი ჭორი ააგორეს, თითქოს მწარმოებელი ვარ პირბადის და ა.შ. ძალიან ბევრი წერილი მომდის, ზოგჯერ ძალიან არასასიამოვნო, ზოგჯერ ძალიან, ძალიან არასასიამოვნო, მუქარებიც არის, რა თქმა უნდა. რა მუქარაც უნდა იყოს, ვიცი, რომ ვარ მართალი. საქართველოში ვერავინ გააკეთებს იმას, რასაც მე ვაკეთებ. ვინ შეიძლება საქართველოში ღიად დაუპირისპირდეს ფარმა კომპანიებს?


აქ საუბარია პროფესიონალურ დაპირისპირებაზე, თორემ კონკრეტულად არავისი წინააღმდეგი არა ვარ. მე მაქვს ამისი ფუფუნება, ჩემი გამოცდილებიდან, ჩემი განათლებიდან გამომდინარე, შემიძლია ვთქვა ის, რასაც ვამბობ. ფარმა კომპანიები, იმის მაგიერ, რომ ხელი შეუწყონ მოსახლეობას ამ მძიმე პერიოდში, ცდილობენ ფული იშოვონ.


ზოგი ფარმაკომპანიამ მიიღო დადებითად ჩემი კამპანია და უკვე სამი კომპანია ყიდის მხოლოდ და მხოლოდ სამედიცინო პირბადეს. გგონიათ უხარიათ, რასაც ახლა აკეთებენ? არა, მაგრამ ისინი მიხვდნენ, რომ სჯობს სამედიცინო პირბადე გაყიდონ. სხვა კომპანიები ჯერ შორიდან უყურებენ…


– თუ გაქვთ ეჭვი, ვინ შეიძლება იდგეს მუქარის, არასასიამოვნო გზავნილების, ან აგორებული ჭორების უკან?


– დაფიქრდით, ვინ შეიძლება, აბა, ამის უკან იდგეს? დავუშვათ თქვენ შემოიტანეთ 100 000 დოლარის ღირებულების ნაგავი პირბადე და გინდათ რომ გაასაღოთ, რას იზამდით? ესაა ჩემი პასუხი. არ ვსაუბრობ მხოლოდ დიდ კომპანიებზე, არიან პატარა კომპანიებიც, რომლებმაც 20-30 ათასის ღირებულების პირბადეები შემოიტანეს და პირდაპირ მწერენ, – შენ ოჯახი დამინგრიეო, შემოვიტანე და ვფიქრობდი, რომ 40 თეთრად გავყიდდიო…


არ იცით, რა შინაარსის წერილები შემომდის და მე ვეუბნები, კი ბატონო, გაყიდეთ ელიავაზე, გაყიდეთ სხვა მოხმარებისთვის, მაგრამ არა სამედიცინო მოხმარებისთვის, აფთიაქებში რა უნდა ამ პირბადეებს? ათას სისულელეს ავრცელებენ, ვსაუბრობ პირბადეზე და უყურებენ ჩემი ცხვირის ზომას – სხვას ვერაფერს რომ ვერ პოულობენ, ალბათ… მთელი ჩემი ბიოგრაფია საჯაროა, საკონტაქტო ინფორმაცია საჯაროა, სად ვმუშაობდი, ვისთან, რამდენი ხანი ვმუშაობდი, არაფერს ვმალავ.


ადამიანები ვერ ხვდებიან, რატომ შეიძლება რამეს ვაკეთებდე უანგაროდ. საქართველოში ხშირად ხდება ისე, რომ რაღაცას აკეთებს ადამიანი და საბოლოოდ მთვარდება ეს ბიზნესინტერესით. ზოგი ტელევიზიაში წავიდა, ზოგი პოლიტიკაში, ზოგი ფარმა კომპანიაში, საბოლოო ჯამში ყველა აღმოჩნდა ვიღაცასთან, მე ერთი წელია ვლაპარაკობ და რომელიმე კომერციულ კომპანიასთან, რომელიმე პოლიტიკურ პარტიასთან, რომელიმე თანამდებობის პირთან ვარ შემჩნეული?


„იმედშიც“ გადის ჩემი ინტერვიუ და მერე „მთავარ არხზე“ – ხალხი დაიბნა, ხან ხელისუფლების მომხრე ვგონივარ, ხან მოწინააღმდეგე. არც ერთი ვარ და არც მეორე და ვისაც გონება აქვს მიხვდება, რომ ინტერესი მაქვს ნული – როგორც პოლიტიკური, ისე თანამდებობრივი. კარგსაც ვიტყვი, რამდენიმე აფთიაქმა თავიდან შემოიტანა იაფიანი, თურქული პირბადე, არც მერე აღიარეს შეცდომა, მაგრამ მას შემდეგ, რაც სამედიცნო პირბადეების კამპანია დავიწყე, უკვე ხალხი მწერს, რომ ნელ-ნელა კარგი პირბადეების შემოტანა დაიწყეს კომპანიებმა.


რამოდენიმე სააფთიაქო ქსელს დავუკავშირდი და ვუთხარი, თქვენ ჩაიწერებით, „ჯიპისის“ და „ფარმადეპოს“ სიაში – მეთქი და ცოტა ხანი გვაცადეთო, მიპასუხეს…


თამო კეშელავა, ალია



Professor Giorgi Pkhakadze, MD, MPH, PhD

Профессор Гиорги Пхакадзе. #ПрофессорПхакадзе




Prepared by: ირინა დათაშვილი #datashvil



2 views0 comments

Comments


Post: Blog2_Post
bottom of page