.png)
15/04/2021
პროფესორი, ორგანიზაციის – „აკრედიტაცია საზღვრების გარეშე“ – ხელმძღვანელი გიორგი ფხაკაძე:
ვინც ვაქცინას გაიკეთებს, მაგალითად ასტრაზენეკას, 6 თვის მერე უნდა გაიკეთოთ ხელახლა ერთი დოზა. და ასე უნდა იკეთოთ ყოველ 6 თვეში – ამაზე არავინ ლაპარაკობს, ფხაკაძის გარდა.
ფაიზერის შემთხვევაში, პირველი დოზის გაკეთებიდან 5 თვე რომ გავა, კიდევ უნდა გაიკეთოთ ერთი დოზა. ანუ, ამჯერად 5-დან 6 თვემდე უნდა გაიკეთოთ, 1 თვე გაქვს ვადა. თუ ამ ვადაში არ გაიკეთებ ვაქცინის ერთ დოზას, მერე უკვე ხელახლა უნდა გაიკეთოთ 2 დოზა.
ამაზე ვინმე ლაპარაკობს? რომ იძახიან მასიური ვაქცინაციაო, ვაქცინები გაქვთ ქვეყანაში? კარგია, თუ ცუდი ვაქცინა, ეგ სხვა თემაა, მაგრამ არაა ვაქცინა. უნდა გათვალო, რომ 2 დოზას გაუკეთებ და 5 თვის მერე კიდევ უნდა გქონდეს გადანახული. უნდა იმუშაო, რომ კიდევ სხვა დოზები მოიზიდო. რაც საქართველოში ხდება, ეს აფიორაა.
ჩინეთმა ხომ გვაჩუქაო, ნაგავი გვაჩუქა, წყალია ჩვეულებრივი.
ვინც გაიკეთა ვაქცინა, დავუშვათ ფაიზერი, ვინმემ გითხრათ, მესამე დოზა როდის უნდა გაიკეთო? ფურცელზე მითითებულია ვალიდურობა რამდენია ვაქცინაციის? ეს არის არაპროფესიონალიზმი. თანამდებობებზე სხედან ბიძაშვილები, მამიდაშვილები და საყვარლები.
დაავადებათ კონტროლი ყველაზე დიდი ანტივაქსერია, თავისი უფროსიან-მოადგილიანად. ბევრ ადამიანს ვცემ იქ პატივს, მაგრამ სიმართლე ესაა.
თქვე გაუნათლებლებო და მავნებლებო, ვაქცინაციის ზოგ ფურცელზე წერია ნომერი, მეორეზე არა. რატომ? ამოთხარეთ ყველანაირი ნდობა ხალხისგან, ხალხი აღარ გენდობათ, ექიმები აღარ გენდობათ, სამედიცინო პერსონალი დაავადებათა კონტროლს აღარ ენდობა.
როცა ეპიდემიის დროს სამედიცინო პერსონალი არ ენდობა დაავადებათა კონტროლს, ეს არის ყველაზე დიდი საშინელება, რადგან დაავადებათა კონტროლია ეპიდემიის მართვაზე პასუხისმგებელი.
როცა გიკეთებენ ვაქცინას, გაგიკეთეს ერთი დოზა, მეორე დოზა გაგიკეთეს და მესამე დოზა უნდა გაგიკეთონ 5-6 თვეში, რატომ არ გეუბნებიან ამას? არ ვიცი, რა პროტოკოლით აკეთებენ, ისე საუბრობენ, დაბოლილები გეგონება და მრცხვენია. გასაგებია, პოლიტიკურად ხარ ანგარიჟებული, მაგრამ ყველაფერს ხომ საზღვარი აქვს?
ადამიანს, რომელმაც გადაიტანა კოვიდი, 3 თვის მერე კი არა, 5 თვის მერე უტარდება ვაქცინა! ეს არის საერთაშორისო პროტოკოლი, ეს არის იმ ძლიერი მარეგულირებლის მიერ გაცემული ინფორმაცია.
ვინც კოვიდი გადაიტანა, უნდა გადათვალოთ დადასტურების დღიდან 5 თვე, 5 თვიდან 6 თვემდე, მხოლოდ ერთი დოზა ვაქცინა უნდა გაიკეთოთ და მერე კიდევ 5 თვის მერე და ა.შ. და თუ არ გაიკეთებთ ვაქცინას კოვიდის დადასტურებიდან 5-6 თვის მერე – მაშინ უკვე დაგჭირდებათ ვაქცინის 2 დოზა. მე არ ვიცი, ამას რატომ გიმალავენ და რატომ არ გეუბნებიან.
ისრაელის ბარათი მაქვს ნანახი, პირველი დოზა, მეორე დოზა და მითითებულია სადამდე არის ვაქცინა ვალიდური და მითითებულია 5 თვე. მე კი არ ვიგონებ?
ვაქცინას ხალხი არ იკეთებსო რომ იძახით, ვაქცინა არ გაქვს და რა ვაქცინაცია? ვინც მიიღო გადაწყვეტილება და გაიკეთა ვაქცინა, ამ ხალხს რას უშვრებით? რატომ ატყუებთ? რატომ არ ეუბნები, რომ თუ 5 თვეში თავიდან არ გაიკეთებს ვაქცინას, არ იქნება დაცული?
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
Prepared by: ირინა დათაშვილი #datashvil