.png)
28/10/2021
მე ვერც ერთ პოლიტიკურ პარტიას ვერ შევუერთდები ვერანაირი „სოუსით“. იმ სიბინძურის ნაწილი, რაც დღეს დავინახე, ვერ გავხდბი, მაპატიეთ. საქმის გაკეთება გინდათ?! – ყველამ იცის, სად არის ფხაკაძე. თუ საქმის გაკეთება გინდათ, ვინც არ უნდა იყოთ, როცა საქართველო მზად იქნება, კი ბატონო, აგერა ვარ. მაგრამ „ვითომ ვითომ „ საქმის გაკეთება მე არ მაინტერესებს,- ამის შესახებ გიორგი ფხაკაძემ ლაივ ჩართვაში ისაუბრა.
მისი თქმით, აუცილებელია ადამიანებმა თავს გაუფრთხილდნენ. რადგან მათზე არავინ ზრუნავს.
„აღიარეთ შეცდომა, თქვით სიმართლე. რაღაცას ვერ აკეთებ? თქვი. დაგიფასდება და ხალხი წამოგყვება, მაგრამ ტყუილს რომ სიმართლედ ასაღებ, ამით აგებ. მე ტყუილი არ შემიძლია.
მაპატიეთ ემოციურობა. თავს გაუფრთხილდით. ამ ქვეყანაში თქვენზე არავინ ფიქრობს. სანამ ფაიზერის ვაქცინა არის, აიცერით. სხვას არც გაეკაროთ. ექიმი, რომელიც გეტყვით, რომ ჩინურით უნდა აიცრათ და არა ფაიზერით, ის ექიმი არ არის და მასთან აღარასდროს მიხვიდეთ.
დაიცავით დისტანცია, ატარეთ პირბადე, ნუ დადიხართ მიტინგებზე, წადით არჩევნებზე და კარგად დაფიქრდით, ვის მისცემთ ხმას.
დიდი იმედგაცრუება მაქვს. ვნერვიულობ. საქართველოში უმძიმესი ზამთარი იქნება. გაიზრდება სიკვდილიანობა, საავადმყოფოებში ადგილები და ჟანგბადი არ იქნება. ყველაფერი კარგად იქნება? არ ვიცი. ქვეყანა უმძიმეს ფაზაში შედის. პამდემიის დროს არჩევნების ჩატარება იყო უდიდესი შეცდომა. ჯანმრთელობას გისურვებთ“,- ამბობს ფხაკაძე.
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
Prepared by: ირინა დათაშვილი #datashvil